Fimmta sýning í 002 Gallerí 5.3.2011

Hanfirsk list í 002 Gallerí
Þrír hafnfirskir listamenn og einn ástralskur opnuðu sýningu laugardaginn 5.mars, í 002 Gallerí. Nafn sitt dregur galleríið af númeri íbúðarinnar, 002, að Þúfubarði 17 í Hafnarfirði, sem er hvorttveggja í senn íbúð og sýningarrými Birgis Sigurðssonar, myndlistarmanns og rafvirkja.

Listamennirnir hafa notað mjög mismunandi leiðir í listsköpun sinni. Christopher Hickey gestur Ólafar Bjargar Björnsdóttur, en saman unnu þau ísskúlptúra á Hljómalindarreitnum, sem vakið hafa athygli að undanförnu. Á sýningunni héldu þau halda áfram með þá hugmynd. Aðalheiður Skarphéðinsdóttir sýndi nýjar akríl og tölvugrafík myndir sem unnar voru meðan hún dvaldi í Lovíisa í Finnlandi í vetur. Kristbergur Óðinn Pétursson sýndi verk sem hann hefur málað á síðustu mánuðum.

Fleiri myndir af sýningunni er Hér

Fjórða sýning í 002 Gallerí 5.2.2011

Birgir Sigurðsson, myndlistarmaður og rafvirki, opnaði laugardaginn 5.febrúar 2011 fjórðu sýninguna í íbúð sinni, 002, að Þúfubarði 17 í Hafnarfirði. Sýnendur voru tveir að þessu sinni.Það voru myndlistarmennirnir Ragnar Kjartanson og Snorri Ásmundsson. Ragnar og Snorri eru þekktir fyrir gjörninga sína og myndbandsverk, en sýndu báðir málverk að þessu sinni. Ragnar hefur að undanförnu brugðið sér í Kraftgallann og málað utandyra myrka morgna á Reykjavíkursvæðinu, en Snorri málverk af ballerínum.

 

 

Fleiri myndir af sýninguni má finna  Hér

Þriðja sýning í 002Gallerí 4.12.2010

Birgir Sigurðsson, myndlistarmaður og rafvirki, opnaði 4.12.2010 ljósverkasýningu í íbúð sinni, 002 Gallerí, ásamt frænku sinni Þóru Björg, myndlistarnema, sem hefur myndskreytt frumsamda jólasögu eftir Birgi.

Ljósverk er heiti yfir myndlistarverk þar sem ljós eru í aðalhlutverki. Þetta listform hefur lengi verið Birgi hugleikið enda tengjast hér saman reynsla hans af rafvirkjun og brennandi áhugi á myndlistarsköpun.

Í ljósverki Birgis fær gamla góða flúrperan nýtt hlutverk. Að auki var frumflutt jólasveinasagan Um strákinn sem trúði því ekki að jólasveinarnir væru vondir.

Fleiri myndir af sýningunni er HÉR

Önnur sýning í 002Gallerí 6.11.2010

Birgir Sigurðsson, myndlistarmaður og rafvirki, opnaði laugardaginn 6.nóvember aðra sýninguna í íbúð sinni, 002, að Þúfubarði 17 í Hafnarfirði.
Sýnendur voru þrír að þessu sinni og komu þeir úr sitt hvorri áttinni. Hekla Dögg Jónsdóttir sem er með þekktari myndlistarmönnum samtímans sýndi verk sem ekki hefur verið sýnt á Íslandi fyrr. Ragnhildur Jóhanns sem hefur unnið mikið með texta og bókaformið í sinni myndlist og Ingvar H. Ragnarsson, kenndur við Útúrdúr sem vinnur mikið með ljósmyndir og video





Fleiri myndir frá sýninguni eru HÉR

Fyrsta sýning í 002Gallerí 2.10.2010

002 Gallerí – íbúð og gallerí
Birgir Sigurðsson, myndlistarmaður og rafvirki, opnaði laugardaginn 2.október myndlistargallerí í íbúð sinni, 002, að Þúfubarði 17 í Hafnarfirði. Marín Hrafnsdóttir, menningar- og ferðamálafulltrúi Hafnarfjarðar, opnaði galleríið formlega. Listamennirnir sem tóku þátt í fyrstu sýningunni voru Þorvaldur Þorsteinsson, Helena Jónsdóttir, Bjarni Þór Sigurbjörnsson, Eygló Harðardóttir, Sara Björnsdóttir, Hlynur Hallson, Anna Sigríður, Elín Anna Þórisdóttir, Helena Hans, Hjördís Frímann og Unnur Óttarsdóttir.
Hugmyndin með galleríinu er að skapa nýtt og skemmtilegt rými til listsköpunar. Sumir listamennirnir munu gera verk beint á veggina og þannig verður íbúðin að listaverki, sem tekur stöðugum breytingum.





Fleiri myndir frá opnuninni er að finna hér.

002Gallerí